STEMNEWS.am-ի «ԱՏՈՎՄՅԱՆ» իրավաբանական և խորհրդատվական ընկերություն. Իրավաբանական նորարարության առաջնագծում» հատուկ նախագծի իններորդ՝ «ԱՏՈՎՄՅԱՆ» իրավաբանական և խորհրդատվական ընկերություն. կորպորատիվ իրավունքի ոլորտում բիզնեսի իրավական զարգացման համապարփակ լուծումներ» հոդվածում ներկայացնում ենք ընկերության գործունեությունը կորպորատիվ իրավունքի ոլորտում՝ որպես ժամանակակից բիզնեսի կայուն և օրինական զարգացման հիմք:

1. Կորպորատիվ իրավունքի ոլորտում համապարփակ իրավական ծառայությունների մատուցում

«ԱՏՈՎՄՅԱՆ» իրավաբանական և խորհրդատվական ընկերությունը մասնագիտացած է կորպորատիվ իրավունքի ոլորտում բազմազան իրավական ծառայությունների մատուցման գործում: Ընկերության փաստաբաններն ու իրավաբանները տրամադրում են իրավական աջակցություն բիզնեսի զարգացման բոլոր փուլերում՝ սկսած ընկերության ստեղծումից մինչև բարդ կորպորատիվ վերակազմավորումներ և վերակազմակերպման գործարքներ:

«ԱՏՈՎՄՅԱՆ» իրավաբանական և խորհրդատվական ընկերության 6-ամյա գործունեության ընթացքում Մարատ Ատովմյանը իր գործընկերների հետ միասին ստեղծել է կորպորատիվ իրավունքի սպասարկման ժամանակակից համակարգ, որը համատեղում է հայաստանյան և միջազգային լավագույն պրակտիկան: Ընկերության մասնագետները հատուկ ուշադրություն են դարձնում յուրաքանչյուր բիզնեսի յուրահատկություններին և կազմակերպության կարիքներին:

Ընկերության կորպորատիվ իրավունքի պրակտիկան ընդգրկում է հետևյալ ուղղությունները.

• իրավաբանական անձանց ստեղծում և պետական գրանցում,
• կորպորատիվ կառավարման կառուցվածքների մշակում և օպտիմիզացիա,
• բաժնետերերի և մասնակիցների իրավունքների պաշտպանություն,
• կորպորատիվ փաստաթղթերի մշակում և վերանայում,
• վերակազմակերպումների իրավական ուղեկցում և այլն:

Մեր իրավաբանները տիրապետում են կորպորատիվ իրավունքի լայն շրջանակի՝ սկսած փոքր ընկերությունների ստեղծումից մինչև խոշոր կորպորացիաների վերակազմավորում և միջազգային հոլդինգային կառուցվածքների ստեղծում: Ընկերության փաստաբանները պարբերաբար հետևում են Հայաստանի Հանրապետության և միջազգային կորպորատիվ իրավունքի զարգացումներին՝ ապահովելով իրավական ծառայությունների բարձրագույն որակը:

2. Վերակազմակերպման գործարքներ՝ համապարփակ իրավական ուղեկցում

«ԱՏՈՎՄՅԱՆ» իրավաբանական և խորհրդատվական ընկերությունն առաջարկում է վերակազմակերպման գործարքների համապարփակ իրավական սպասարկում: Մեր մասնագետները տիրապետում են վերակազմակերպման (միաձուլման, միացման, բաժանման, առանձնացնացման, վերակազմավորման) գործարքների իրավական ուղեկցման բոլոր փուլերին՝ սկսած նախնական գնահատումից մինչև գործարքի փակում և հետգործարքային ինտեգրացիա:

Legal Due Diligence՝ իրավական խորը փորձաքննություն.

Legal Due Diligence-ը վերակազմակերպման գործարքների ամենակարևոր փուլերից մեկն է, որի ընթացքում իրականացվում է թիրախային ընկերության համապարփակ իրավական վերլուծություն: «ԱՏՈՎՄՅԱՆ» իրավաբանական և խորհրդատվական ընկերության մասնագետները իրականացնում են.

• կազմակերպաիրավական տեսակի և փաստաթղթավորման մանրակրկիտ ստուգում,
• բաժնետերերի և մասնակիցների իրավունքների վերլուծություն,
• գործող պայմանագրերի և պարտավորությունների գնահատում,
• դատական և արբիտրաժային վեճերի բացահայտում,
• հարկային պարտավորությունների և կարգավիճակի ստուգում,
• աշխատանքային իրավահարաբերությունների վերլուծություն,
• սեփականության իրավունքների և գույքի իրավական կարգավիճակի ստուգում,
• քըմփլայնսի և կարգավորող պահանջների համապատասխանության գնահատում:

Մեր Due Diligence հաշվետվությունները տրամադրում են մանրամասն պատկերացում թիրախային ընկերության իրավական կարգավիճակի, պոտենցիալ ռիսկերի և հնարավոր խնդիրների մասին՝ թույլ տալով գնորդին կայացնել տեղեկացված որոշում և պատշաճ կերպով վարել գնման պայմանների մասին բանակցությունները:

Վերազմակերպման գործարքների կառուցվածքավորում և իրականացում.

«ԱՏՈՎՄՅԱՆ» իրավաբանական և խորհրդատվական ընկերությունը տրամադրում է վերակազմակերպման գործարքների կաΩմակերպաիրավական տեսակի համապարփակ ծառայություններ: Մեր մասնագետները.

• մշակում են գործարքի օպտիմալ կառուցվածքը՝ հաշվի առնելով հարկային, իրավական և բիզնես նկատառումները,
• պատրաստում են բաժնետոմսերի գնման պայմանագրեր կամ ակտիվների գնման պայմանագրեր,
• մշակում են բաժնետերերի համաձայնագրեր,
• ապահովում են գործարքի պայմանների և երաշխիքների պատշաճ իրավական ձևակերպում,
• իրականացնում են գործարքի փակման իրավական ապահովում,
• ապահովում են հետգործարքային պարտավորությունների կատարման իրավական ուղեկցում:

Մեր ընկերությունը ապահովում է վստահորդների շահերի առավելագույն պաշտպանությունը բարդ կորպորատիվ գործարքներում:

3. Թվայնացում և տեխնոլոգիական նորարարություններ կորպորատիվ իրավունքի ոլորտում

«ԱՏՈՎՄՅԱՆ» իրավաբանական և խորհրդատվական ընկերությունը ակտիվորեն ներդնում է թվային տեխնոլոգիաներ և արհեստական բանականություն կորպորատիվ իրավունքի ոլորտում՝ բարելավելով իրավական ծառայությունների որակը, արագությունը և թափանցիկությունը: Ընկերությունը կիրառում է նորագույն Legal Tech լուծումներ, որոնք հեղափոխում են ավանդական կորպորատիվ իրավունքի պրակտիկան:

Կորպորատիվ փաստաթղթերի թվային կառավարում և ավտոմատացում.

Ընկերության մասնագետները մշակել են կորպորատիվ փաստաթղթերի թվային ձևաթղթերի համակարգ, որը թույլ է տալիս.

• դյուրացնել կանոնադրությունների, ներքին կանոնակարգերի և այլ կորպորատիվ փաստաթղթերի ստեղծումը,
• պահպանել կորպորատիվ փաստաթղթերի էլեկտրոնային արխիվ ամպային հարթակում,
• իրականացնել փաստաթղթերի էլեկտրոնային տարբերակների վերահսկում,
• ապահովել բաժնետերերի և տնօրենների հասանելիությունը փաստաթղթերին իրական ժամանակում,
• ձևավորել ավտոմատ հուշումներ կորպորատիվ միջոցառումների (ժողովներ, հաշվետվություններ) մասին:

Այս համակարգը զգալիորեն նվազեցնում է կորպորատիվ փաստաթղթավորման ծախսերը և բարձրացնում է կորպորատիվ կառավարման արդյունավետությունը:

Արհեստական բանականություն և մեքենայական ուսուցում կորպորատիվ իրավունքում.

«ԱՏՈՎՄՅԱՆ» իրավաբանական և խորհրդատվական ընկերությունը աշխատում է ապահովել արհեստական բանականության գործիքների ներդրմանը կորպորատիվ իրավունքի պրակտիկայում, որը հնարավորություն կընձեռնի.

• ԱԲ-ով աջակցվող Due Diligence՝ փաստաթղթերի արագ և խորը վերլուծություն,
• կորպորատիվ պայմանագրերի ավտոմատացված վերլուծություն և ռիսկերի բացահայտում,
• կորպորատիվ կառավարման լավագույն պրակտիկայի հետ համապատասխանության ստուգում,
• կանխատեսող վերլուծություն կորպորատիվ վեճերի կանխարգելման համար,
• մեքենայական ուսուցման գործիքների կիրառում կորպորատիվ դատական պրակտիկայի վերլուծության համար:

Այս նորարարական մոտեցումները ապահովում են կորպորատիվ գործընթացների բարձր թափանցիկություն, անվտանգություն և արդյունավետություն:

4. Հաջողված գործեր և մասնագիտական նվաճումներ

«ԱՏՈՎՄՅԱՆ» իրավաբանական և խորհրդատվական ընկերության կորպորատիվ իրավունքի պրակտիկան ունի բազմաթիվ հաջողված գործեր տարբեր ոլորտներում: Ընկերության փաստաբաններն ու իրավաբանները հաջողությամբ ներկայացրել են հայաստանյան և միջազգային վստահորդների շահերը բարդ կորպորատիվ գործարքներում՝ ապահովելով բարենպաստ արդյունքներ նույնիսկ ամենաբարդ իրավիճակներում:

Վերակազմակերպման գործարքներ և կորպորատիվ վերակազմավորումներ.

Ընկերությունը հաջողությամբ իրականացրել է բազմաթիվ միաձուլումների և ձեռքբերումների գործարքների իրավական ուղեկցում, որոնք ներառել են տարբեր ոլորտների խոշոր ընկերությունների ձեռքբերում: Մեր մասնագետները կարողացել են մշակել բարդ կորպորատիվ կառուցվածքներ՝ օպտիմիզացնելով հարկային և իրավական ռիսկերը, և ապահովել գործարքների հաջող փակում:

Միջազգային հոլդինգային կառուցվածքների ստեղծում.

«ԱՏՈՎՄՅԱՆ» իրավաբանական և խորհրդատվական ընկերության փաստաբանները մասնագիտացած են միջազգային հոլդինգային կառուցվածքների ստեղծման և կառավարման գործում: Ընկերությունը հաջողությամբ ստեղծել է միջազգային կորպորատիվ կառուցվածքներ հայաստանյան և օտարերկրյա ներդրողների համար՝ ապահովելով ակտիվների պաշտպանություն, հարկային օպտիմիզացիա և արդյունավետ կորպորատիվ կառավարում:

Կորպորատիվ վեճերի հաջող լուծում.

Ընկերության մասնագետները ունեն հարուստ փորձ բաժնետերերի միջև վեճերի, կորպորատիվ կառավարման հակամարտությունների և ընկերությունների հաշվետվողականության հարցերի լուծման ոլորտում: Մենք ապահովել ենք վստահորդների շահերի արդյունավետ պաշտպանություն ինչպես դատական, այնպես էլ այլընտրանքային վեճերի լուծման մեթոդներով:

Մեր ընկերության հաջողությունը պայմանավորված է փաստաբանների ու իրավաբանների բարձր մասնագիտական պատրաստվածությամբ և կորպորատիվ իրավունքի ոլորտում հարուստ փորձով: Ընկերության մասնագետները պարբերաբար մասնակցում են կորպորատիվ իրավունքի վերաբերյալ հանրապետական և միջազգային կոնֆերանսների, սեմինարների և վերապատրաստման դասընթացների՝ համալրելով իրենց գիտելիքները վերջին իրավական զարգացումներով և լավագույն միջազգային փորձով:

«ԱՏՈՎՄՅԱՆ» իրավաբանական և խորհրդատվական ընկերության կորպորատիվ իրավունքի պրակտիկան հատուկ ուշադրություն է դարձնում նորարարական բիզնես մոդելների և տեխնոլոգիական ընկերությունների իրավական սպասարկմանը: Մենք աջակցում ենք սթարթափներին և աճող ընկերություններին՝ ապահովելով նրանց կայուն կորպորատիվ հիմքեր և իրավական պաշտպանվածություն:

Ապագա զարգացման ուղղություններից ընկերությունը դիտարկում է արհեստական բանականության և բլոքչեյն տեխնոլոգիաների ավելի խորը ինտեգրումը կորպորատիվ իրավունքի պրակտիկայում, ինչպես նաև շրջակա միջավայրի, սոցիալական պատասխանատվության և կորպորատիվ կառավարման ստանդարտների ներդրումը հայաստանյան կորպորատիվ պրակտիկայում:

«ԱՏՈՎՄՅԱՆ» իրավաբանական և խորհրդատվական ընկերություն. իրավաբանական նորարարության առաջնագծում» հատուկ նախագծի հաջորդ հոդվածում կներկայացնենք ընկերության գործունեությունը Հայաստանի Հանրապետությունում օտարերկրացիների իրավունքների պաշտպանության ոլորտում՝ որպես միջազգային իրավական համագործակցության կարևոր ոլորտ:

Մանրամասները՝ տեսանյութում։